كيف تساعد عدوك على نشر الإشاعات وتشويهك في سبعة أيام؟

الإشاعات نوعان: إشاعة مختلقة تمامًا ولا أصل لها (وهذه يتقنها الإعلام المصري)، وإشاعة نصفها كذب ونصفها صدق (ويتقنها الاحتلال الصهيوني)، علاج الأولى بتجاهلها التام وعدم تردادها، والثانية بأن تزيل نقطة الالتباس وتوضح وجه الكذب في الإشاعة.

لكن اليوم أريد تعليمكم مهارة يتقنها الكثيرون، وهي كيف تقنع الناس بالإشاعات التي يطلقها عدوك ضدك وكيف تساعده بنشرها.

اليوم الأول: "ها ها ها، شايفين شو بيحكي؟ أنا بديش أرد عليه ردوا عليه أنتو".

اليوم الثاني: "بدي أنشره في كل مكان علشان أفضحهم، يالله أنشروا معي بدنا نخلي كل العالم يشوفوا كذبهم، ما حد يسألني ليش هم كذابين لازم لحالكم تعرفوا الكذبة"

اليوم الثالث: "والله مصيبة كل العالم بحكوا بالإشاعة، وينكم يا عالم، لازم تردوا عليهم، وما تتركوهم يستفردوا، بدنا نرد، بدنا نفضحهم، بدنا نشل أملهم"

اليوم الرابع: "يا عمي فش دخنة بدون نار، مش معقول، وين القيادة؟ وين الناس الفهمانة؟ تعالوا أشرحوا شو الصح وشو الغلط"

اليوم الخامس: "كل الناس بتحكي في الموضوع، أكيد فيه منه، ليش ما بنعترف بأخطاءنا؟ احنا مش ملائكة وكل الناس بتغلط"

اليوم السادس: "يا الله! ما تظلكم تدافعوا وتبرروا، الموضوع صحيح وفش حد غيركم قاعدين بتدافعوا دفاع أعمى، أنا الحمد لله زلمة حقاني وبحكي كلمة الحق"

اليوم السابع: "احنا حركة حية وعندها مصداقية، عدونا بكذب الكذبة واحنا بنصدقه"

وكل هبل وأنتم بخير!!